///English bellow///
Есенското издание на ППф 2026, се случува во време на социополитичка рестратификација, кога е важно да се истакнат заедничките, различните, инаквите гледишта од оние конзервативно патријархалните што доминираат во секое поле и полека ги раслојуваат и класно ги позиционираат уметноста, културата, но и идните процеси. Така, оваа програма ќе ја истакне и ќе се одвива околу основната оска, односно политиката на фестивалот која се темели на соработка, споделување ресурси меѓу колегите и фестивалите, како и проширување на перформансот и неговото значење како критичка уметност што може да „вгласува“ (envoicing, Бадовинац), да овозможува „вкрстено опрашување“ (cross pollination) и да создава „заедничко практикување“ (commoning). Односно, да вгради метаболитички процеси во телото на есенската програма, кои ќе ја придвижат поддршката за нови размисли за социополитичко сеизмичко поместување.
