///English below///
Во Скопје, од 20 до 25 април 2025 година, се одржува истражувачката лабораторија MOVING BACK TO FUTURE, во која учествуваат истражувачите Биљана Тануровска-Ќулавковски и Славчо Димитров, заедно со кореографот Александар Георгиев.
Преку заедничко прегледување на архивски материјали од македонскиот балет, модерен танц, фолклорен танц, слетовите како колективни перформативни акции, преку дискурзивни рефлексии, дискусии и рефлексија на кореографските пракси на Георгиев, лабораторијата истражува како преку современи кореографски практики може да се реисчитува балетот, и другите уметнички танцови практики од минатото. Исто така, се анализираат промените и отворањата на балетот кон други јазици на движење, естетики и културни референци преку поп и рок култура, фолклор, колективни изведбени практики и прашања на национален идентитет, и како тие како вокабулар може да се искористат како релациона кореографска пракса, или она што Георгиев го нарекува во својот пристап, „технологија на движење“ кој вклучува “слојности“ кои се поврзуваат, а вклучуваат и балет, фолклор, други бројни референци, вклучувајќи ја и неговата поврзаност со поп и клупската култура.
Наместо да ги вреднува овие историски пристапи или да отвора нормативна критика, лабораторијата се фокусира на тоа како избрани архивски дела можат повторно да се читаат преку современи кореографски практики, како и како тие се пренесуваат во професионалното поле, но и во јавноста.
Истражувачкиот процес е структуриран како размена што се развива од ден во ден: секој ден започнува со прегледување на материјали, дискурзивна и кореографска рефлексија, и развивање прашања за следниот ден. На овој начин, лабораторијата отвора простор за градење на анархивистички пристап, доведувајќи ги архивските танцови практики и современите кореографски пристапи во однос со сегашноста со што се отвораат нови линии на заживување на архивите, креирање на нови архиви, пренос на знање итн.
Овој проект добива финансиска поддршка од Програмата за истражување и иновации на Европската Унија #HorizonEU. Секоја поврзана комуникација ги одразува единствено ставовите на носителот на проектот.
From 20 to 25 April 2025, the research lab MOVING BACK TO FUTURE is taking place in Skopje, bringing together researchers Biljana Tanurovska-Kjulavkovski and Slavco Dimitrov with choreographer Aleksandar Georgiev.
Through the collective viewing of archival materials from Macedonian ballet, modern dance, folk dance, and slets as collective performative actions, as well as through discursive reflections, discussions, and reflections on Georgiev’s choreographic practices, the lab explores how ballet and other artistic dance practices from the past can be re-read through contemporary choreographic practices.
The lab also analyses the transformations and openings of ballet towards other movement languages, aesthetics, and cultural references through pop and rock culture, folklore, collective performance practices, and questions of national identity. It considers how these can be used as a vocabulary for a relational choreographic practice, or what Georgiev refers to in his own approach as a “technology of movement” — one that includes interconnected “layers” involving ballet, folklore, and numerous other references, including his connection to pop and club culture.
Rather than evaluating these historical approaches or opening a normative critique, the lab focuses on how selected archival works can be re-read through contemporary choreographic practices, as well as on how they are transmitted within the professional field and to the wider public.
The research process is structured as an exchange that develops from day to day: each day begins with the viewing of materials, followed by discursive and choreographic reflection, and the development of questions for the following day. In this way, the lab opens a space for building an anarchival approach, bringing archival dance practices and contemporary choreographic approaches into relation with the present, thereby opening new lines for reactivating archives, creating new archives, transmitting knowledge, and more.
This project receives funding from the European Union #HorizonEU Research and Innovation Programme. Any related communication reflects only the views of the project owner.