Како дел од повеќе работни средби во рамките на проектот „Културни простори за активни граѓани“, се направи истражување за состојбата околу припадноста на на Офицерски Дом во Битола, препораки за просторот и неговото користење и предлог јавна акција во рамки на АКТО фестивалот во 2017 година.
Учество во работењето на групата имаат:
Филип Јовановски и Ивана Васева (ФРУ), Биљана Тануровска Ќулавковски (Локомотива) Никола Наумовски (соработник член на Плоштад слобода, активист и експерт во организирање на застапувачки процеси), Весна Кочанкова (кустос во НУ Музеј и завод Битола), Александар Литовски (историчар во НУ Музеј и завод Битола), Благојче Котески (советник во општина Битола) Александар Јовановски (АКТО фестивал Битола, граѓанска иницијатива „ Битола не е на продажба“), Влатко Деловски (граѓанска иницијатива „Битола не е на продажба“).
Во текот на 2017 година оваа група реализираше неколку средби поврзани со работни сесии и план на акции и тоа во јуни (28/29), јули (19), август (18/21), септември (2).
Работата на оваа група опфати: истражување за припадноста на Офицерски дом со фокус на прашањата: Кој е сопственик? Во чие владение е? Кои се моменталните планови на институциите во врска со овој објект? Кои се алтернативите кои кружат меѓу одлучувачите?
